Google
 
Web freecopts.blogspot.com

This page is powered by Blogger. Isn't yours?

الجمعة، مارس 03، 2006

 

تخاريف إخوانية فى ساعة عصرية

الرد على اخوانجى اسمه د. محمد العبدة
، يقول د. محمد العبدة "لا أدري ما الذي دهي بهذه الأمة فجعلها تستجيب لوساوس الشيطان وتغرق في التفتت والتجزؤ ويظهر فيها مفهوم الإقليمية الضيقة باسم الخصوصية الوطنية"
يا نهار اسود؟! الخصوصية الوطنية وساوس شيطان ، يعنى طظ فى مصر وطظ فى السعودية وطظ فى السودان ، المهم يبقى فيه خليفة وتبقى فيه "أمة" إسلامية ينظر فيها الى غير المسلم على أنه يا كافر يستحق الحرق يا من اهل الذمة زى حالاتى كدة يدفع الجزية عن يد وهو صاغر ذليل حقير ، المهم يكون فيه خليفة ولو جمع حواليه الغوانى والراقصات البلدى (المحجبات طبعا) والغلمان والخصيان( المهم ان دقنهم تكون شبرين ويحلقوا شنبهم) ، المهم يبقى خليفة وخلاص وهارون الرشيد بيسلم عليك يا دكتور
يكمل دكتور العبدة "كما تظهر على السطح قضية (الأقليات) التي لم تظهر سابقا"
بصراحة يا دكتور هى ظهرت دلوقتى لعدة أسباب منها مثلا مثلا ان فيه اختراع اسمه الاعلان العالمى لحقوق الانسان اعترف بحق بنى آدم سموه الفرد ، وبيقول الاختراع ده ان لكل فرد الحق في الحياة والحرية وسلامة شخصه (حتى لو كان مش مسلم لا سمح الله يعنى) والاعلان العالمى ده بعيد عنك وعن الاخوان بيقول التالى فى الديباجة بتاعته ، ركز معايا والنبى يا شيخ
لمّا كان الاعتراف بالكرامة المتأصلة في جميع أعضاء الأسرة البشرية وبحقوقهم المتساوية الثابتة هو أساس الحرية والعدل والسلام في العالم. ولما كان تناسي حقوق الإنسان وازدراؤها قد أفضيا إلى أعمال همجية آذت الضمير الإنساني. وكان غاية ما يرنو إليه عامة البشر انبثاق عالم يتمتع فيه الفرد بحرية القول والعقيدة ويتحرر من الفزع والفاقة. ولما كان من الضروري أن يتولى القانون حماية حقوق الإنسان لكيلا يضطر المرء آخر الأمر إلى التمرد على الاستبداد والظلم. ولما كانت شعوب الأمم المتحدة قد أكدت في الميثاق من جديد إيمانها بحقوق الإنسان الأساسية وبكرامة الفرد وقدره وبما للرجال والنساء من حقوق متساوية وحزمت أمرها على أن تدفع بالرقي الاجتماعي قدمًا وأن ترفع مستوى الحياة في جو من الحرية أفسح
الله الله ع الكلام اللى يدخل الدماغ ، معايا انت فى آخر كلمتين دول؟ عارف يعنى ايه فى جو من الحرية أفسح؟ مش حضرتك عايز حرية ومتنفس برضو؟ ولا عايز حرية فى انك تترازل على خلق الله باسم الله؟
طبعا انت مش عاجبك الكلام ده وعايز تعمل فيها بطل وتفرض الجزية علينا احنا من اهل الكتاب
وده طبعا بعيد عنك مرض بيسموه الشوفينية او العنصرية الدينية ، حتى لو كان دقنك شبرين ونص ومن غير شنب كمان
ايوة ايوة ، نسيت... انت طبعا عايز تقول انها مؤامرة صهيونية امريكية امبريالية مهلبية تشرف عليها بالمرة مخابرات بوركينافاسو ، بس صدقنى يا حاج ، انا لا صهيونى ولا امبريالى ، يمكن من بتوع فاسو بس ، لكن ربنا اعطانى عقل زى عقلك ورجلين وايدين وقال لى انى مش ناقص عنك حاجة حتى لو رحت صليت فى الكنيسة اللى جنب الجامع اللى لطعته سيادتك هناك بالذات عشان توجه الميكروفون بتاعه على وعلى الكنيسة والكفرة اللى فيها وتشوش عليهم اثناء صلواتهم لزوم البتاعة اللى اسمها الوحدة الوطنية
يستمر الدكتور العبدة ويقول وقد وقع في براثن هذا التشرذم الإنسان العادي، بل وصل هذا المرض إلى بعض حاملي الدعوة الإسلامية
ايوة ايوة ، هو مرض بعيد عنك ، هو حضرتك دكتور فى ايه بالضبط ، ياريت تنورنا المرة الجاية عشان بس نعرف اذا كنت مربى اجيال جامعية ام دكتور بشرى تبقى مصيبة اصل مافيش مرض فى الطب اسمه تشرذم ، اللهم الا اذا كنت تقصد تشرذم الديدان كل واحدة لوحدها لما بتطلع من البتاعة
يستمر علامة العصر والأوان الدكاترة العبدة ويقول
والغريب أن الدولة الإقليمية التي تشع بالخصوصية الوطنية وتعلن في الوقت نفسه انتسابها إلى الأمة العربية والإسلامية هذه الدولة قد أصابها الداء الذي كانت سببا في إبرازه ونشره، فهي تخاف أيضا من الأقليات في داخلها
يا رااااجل ، بقى الدولة بتخاف من الأقليات فى داخلها؟ ما كنتش اعرف بصراحة اننا ممكن نخوف الدولة اللى بتبرم شنباتها ( اصلهم مش بيحلقوها زيك) وبتفرد عضلاتها علينا اول ما نيجى نبنى سور حوالين كنيسة مثلا والعياذ بالله وهاتك يا طاخ طيخ طوخ وان كنت ناسى فبنى ولمس والعديسات ودير الأنبا انطونيس وبنى مزار ومركز بطمس يفكروك
بالمناسبة ، عايزك كدة تعمل جدع وتعمل تعديل بسيط فى مقالك ، وهو انك تقوم باضافة كلمة "المسلمة فى الغرب" بعد كل كلمة أقليات وشوف منظرك واحكم بنفسك ، عشان متهيألى هى دى الطريقة الوحيدة لتوصيل الرسالة ليك يا حاج لأنى بصراحة مستخسر اضيع وقتى فى الرد عليك

Comments: إرسال تعليق

<< Home

Free Copts الأقباط الأحرار

This page is powered by Blogger. Isn't yours?

المقالات المنشورة لا تعبر بالضرورة عن رأى الموقع
Links
archives
Hit Counter
hit Counter